How to Get to Zambales (Anawangin) via SCTEX

As Anawangin is now so famous, and a friend of a friend has just asked me how to get there, and now that SCTEX is already open to the public, I am now going to update my guide on going to Zambales (via private transportation.) Here's my revision based on my entry last year. Starting point: EDSA (Balintawak) Diretso lang hanggang sa daang papunta ng North Luzon Expressway. Ito ay medyo paliko ng kanan, bago ang "tulay" papuntang Monumento, at may "digital" na "signboard" na kulay orange ang ilaw ng mga tuldok. Mag-ingat sa daan. Ang sabi ng NLEX, 100 kph ang maximum speed. Madaling araw kayo pupunta, kaya di ko alam baka walang nanghuhuli. Ang unang toll gate na makikita niyo ay ang Balintawak Toll Plaza (kunwari na lang tama ngang yun ang official name niya). Dito ay nagbabayad ng fixed open system fee na P36.00. May linya para sa exact toll, may linya na eksklusibong para sa mga may EC (hindi ito exact change, sandali, meron nito si Princess e... hindi ko talaga maalala ang ibig sabihin ng EC, siguro electronic card). Ang mga gasoline station na madadaanan niyo sa NLEX ay ang (1) Petron, (2) Shell, (3) Total, at (4) Petron Lakeshore. May free wi-fi sa Petron Lakeshore - tried and tested na gumagana. Sa Total meron din daw, kaso walang kwenta, hindi ako nakapag-Internet doon. Lalampasan ninyo ang San Fernando exit. Dati dito ang exit pa-Zambales, pero doon na tayo ngayon lampas ng Dau. Mag-exit sa katamtamang laki na Dau Toll Plaza. Dito ang bayad kung galing sa Balintawak ay P138.00. Lampasan ang Dau exit, pero malapit na dito ang SCTEX Clark Logistics (Interchange.) Bagalan na ang takbo. Pagkapasok sa Clark Logistics interchange, dumiretso (pero paliko ang daan) sa toll gate. Dito bibigyan kayo ng card. Ibig sabihin, officially nasa SCTEX na kayo. Pagkapasok sa SCTEX, diretso lang ang daan. Malapit sa toll gate ay may dalawang daan: yung diretso ay pa-Subic, yung pakanan ay pa-Tarlac, Baguio at iba pa sa bandang hilaga doon. I-enjoy ang daan sa pa-Subic (ang dire-diretso lang) dahil pa-bilog ang daan dito. May sign naman, magbasa na lang kayo. Diretso. Diretso. Muli 100kph ang speed limit. Bahala ka na kung gusto mong bumilis. Madaming insekto sa daan lalo na kung gabi o madaling araw. Huwag kang malungkot kung madumihan ang windshield mo. Isipin mo, pag tumagal pa, uunti na lang yan dahil sa dami ng sasakyang pumapatay sa kanila. Kawawa rin naman sila. Sa dulo ng SCTEX ay ang Subic exit. Animnapung (60) kilometro ang tinakbo mo kaya P112.00 ang bayad dahil P2/km ang halaga ng pagdaan sa SCTEX. Pagkalabas mo ng SCTEX, papasok ka agad sa Tipo road, SBMA na. May toll gate din dito. P18.00 ang bayad sa Class 1 vehicles. Ang susunod na gate ay sa mga pulis. Slow down lang. Sumunod sa batas trapiko sa loob ng SBMA. Sa bawat intersection na may blinking red stoplight, huminto -- first stop, first to go. Sa yellow blinking stoplight, slow down. Huminto rin sa bawat intersection na may "STOP" sign. Pero huwag naman overkill, dahil may mga maliliit na intersection naman na "you have the right of way" at hindi kailangang huminto. Sa loob ng SBMA after ng pulis gate, zigzag pa rin ang daan. May tunnel kayong madaanan, at kung gusto niyong sumunod sa nakaugalian, bumusina sa lugar na ito. Zigzag, tulay, zigzag hanggang sa may medyo pakaliwang daan na may maikling tulay. Medyo lumalapit na yung liwanag sa lugar na ito (kung madilim pa, mapapansin niyo ang mga ilaw na papalapit). Malapit sa maikling tulay, may daang diretso at may daang pakanan. Sa pagitan nito, may signboard na bilog na kulay asul na may dalawang arrows na tumuturo sa magkabilang daan. Lumiko sa kanan. Pagkakanan, diretso lang. Sa kaliwa ay may Petron at may stoplight dito. Pwede kayong mag-stopover muli sa Petron. May Nike store at Factory Outlet dito ng mga branded sports wear. Pero kung alanganing oras kayo napadaan, baka sarado na iyon. Kunwaring hindi kayo dumaan sa Petron, diretsuhin lang ang daan. Intersection ang lugar na ito, sumunod sa batas trapiko. Pagkalampas sa unang intersection at stoplight, diretso lang at may maikling tulay na naman. Diretso pa rin hanggang sa ikalawang intersection na may stoplight at walang pakanan. Makikita niyo naman ang stoplight, kaya medyo kumaliwa na kayo dahil liliko kayo sa kaliwa sa intersection na ito. Pagkaliko sa kanan, makikita niyo ang Remy Field sa inyong kanan. Sa kanto mismo ng Remy Field, sa unang maliit na kanto, ang Canal Road, liliko na naman kayo sa kanan. Maraming mini-intersections dito. Hindi niyo na kailangang huminto sa bawat intersection -- wala kayong makikitang STOP sign, maliban sa isa. Hindi maliwanag ang "Stop" sign sa isang intersection na iyon, pero makikita niyo ang isang makabagong building sa kaliwa (walang recall ang pangalan) at sa pagtawid ay may isa na namang makabagong building sa kanan. Muli, first to stop, first to go. Kahit walang kasalubong na sasakyan, kailangan pa ring huminto. Makikita niyo sa dulo ng daan ang gate. Huminto at hintayin ang senyas ng guard para lumapit kayo sa gate. Maaari kayong magtanong sa mga pulis sa loob ng SBMA kung kayo ay maligaw. At kung kayo ay mahuli, may nagbigay ng "pangaral" sa akin na dapat ay maging magalang, "Sir, magandang umaga/hapon/araw po!". Paglabas ng SBMA (sa tinuro kong daan, lalabas kayo sa Kalaklan Gate), kumaliwa. Zigzag ang lugar na ito. Maganda ang zigzag sa Olongapo, hindi nakakahilo. Diretsong liko-liko lang. Sa inyong kaliwa ay dagat, sa kanan ay bundok, may sementeryo rin. National road naman ang dadaanan ninyo kaya walang nakalilitong daan. Kasama sa inyong madadaanan ay ang Calapandayan (screen name - dulo). Ito ang lugar na maraming bar at kumukutitap na ilaw. Ang Calapandayan ay nasa bayan na ng Subic. (Isang dagdag kaalaman sa mga hindi masyadong pamilyar sa Zambales: ang Subic ay isang bayan sa Zambales. Ito ang "southernmost town" of the province. Pero further south ang Olongapo City, kung saan narito ang SBMA o Subic Bay Metropolitan Authority. Ang "Subic" na popular tourist destination ay nasa loob ng Olongapo City, pero ang "Subic" na bayan ay katabi lamang ng Olongapo City. Magaganda ang beach sa parehong Subic, pati na rin sa Olongapo -- promote local tourism, sabi ko nga.) Ang palatandaan na kayo'y papasok na ng Castillejos at palabas ng Subic ay ang arko ng aming bayan (ako po'y taga-Castillejos.) Ang boundary ng dalawang bayan ay ang Pamatawan River, kaya malamang, may tulay dito. Matapos ang Castillejos ay ang bayan ng San Marcelino. Sa bayan ng San Marcelino, may palikong daan. Pakaliwa ay ang pa-San Antonio (kung nasaan ang Anawangin), at diretso naman ang short cut pa-San Narciso. Ang pakaliwang daan ay ang national road. May signs uli, magbasa na lang. Sa bayan ng San Antonio (dito nahihirapan na akong magpaliwanag), may "sharp curve" pakanan pagkalampas ng munisipyo. Kumaliwa dito. Basta ganito yun: ang national road ay kumakanan; may maliit na street pa-kaliwa; may school kayong mababangga kung dumiretso kayo, T.R. Yangco yata yun, basta parang ganun. Sa pagkakaalala ko, pangalawang street yung lilikuan niyo pa-kanan. Tapos makakakita na kayo ng sign pakaliwa papuntang Pundaquit. Ang iba pang pwede niyong basahing sign ay ang "going to Megan's Resort; going to Canoe Beach Resort; at going to iba pang resort." Somewhere along the road, may one way na tulay. Bigayan lang po dito. Tapos sundan lang ang daan. Makakarating ka rin sa Pundaquit, ang fishing village sa San Antonio. Dumiretso na sa contact niyong banca*. Ang boat ride pa-Capones ay approximately 30 minutes. Ang boat ride to Anawangin from Capones ay around 30 minutes din. Anawangin-Pundaquit ay around 30-45 minutes (hindi ko na na-orasan ito e.) Enjoy! Nakakapanlito lang ang ibang detalye sa direksyong ito, pero masayang isulat. I-enjoy niyo na lang. :) Link: The Oficial Website of Zambales: Tourism - How to Get Here * Banca - Ang contact namin kadalasan ay si Mang Florante Lavesoria. - May kaibigan akong magpapa-rent na rin ng bangka. Dahil diyan, mag-comment o basta kontakin na lang ako kung gusto niyo ng contact sa bangka (siyempre suporta rin sa kaibigan). - Pwede rin mag-hike pa-Anawangin. Limang oras daw para sa mga baguhan kasama na ang pag-picture. Kaya rin ng tatlong oras. Normal ay apat na oras. Pwede rin kontakin si Mang Florante sa guide. Ayon sa nag-banca sa amin, si Manong Mario Baltazar, pwede rin siyang mag-guide (through Mang Florante o direkta na.) P.S. Pangalagaan ang kalikasan. Huwag mag-iwan ng basura sa Anawangin. Huwag basta magkalat. Mag-ingat sa dagat. Ingat.